QR Code

حکومت نے مہنگائی کے 70 سالہ ریکارڈ توڑ دیئے ہیں، سراج الحق

عمران خان بھی لندن جائیں گے اور نواز شریف کے ساتھ اکٹھے کرکٹ کھیلیں گے

26 Jan 2022 07:20

لاہور میں ایجوکیشن ایکسپو کے شرکاء سے خطاب کرتے ہوئے امیر جماعت اسلامی کا کہنا تھا کہ حکومت نے ہر نوالے اور پانی کے قطرے پر ٹیکس لگا دیا ہے، آٹا بھی کبھی اتنا مہنگا نہیں ہوا، جتنا 3 سال میں ہوا ہے۔

اسلام ٹائمز۔ امیر جماعت اسلامی سراج الحق کا لاہور ایکسپو سینٹر میں ایک تقریب سے خطاب کرتے ہوئے کہنا تھا کہ عمران خان کہتے ہیں کہ وہ حکومت سے نکلے تو خطرناک ہوں گے، عمران خان اپنے دفتر میں بیٹھ کر بھی بائیس کروڑ عوام کے لیے خطرناک ہیں۔ ان کا کہنا تھا کہ عمران خان بھی لندن جائیں گے اور نواز شریف کے ساتھ اکٹھے کرکٹ کھیلیں گے۔ سراج الحق نے اپنے خطاب میں کہا کہ حکومت نے مہنگائی کے ستر سالہ ریکارڈ توڑ دیئے ہیں، ہر نوالے اور پانی کے قطرے پر ٹیکس لگا دیا ہے، آٹا بھی کبھی اتنا مہنگا نہیں ہوا جتنا 3 سال میں ہوا ہے۔ اس موقع پر سراج الحق نے مقابلوں کے پوزیشن ہولڈر طلبہ و طالبات میں انعامات بھی تقسیم کئے۔
 

خبر کا کوڈ: 975611