QR Code

ملتان میں ٹرین کا انجن فیل ہونے پر مسافروں کا احتجاج، ریلوے ٹریک کو بلاک کر دیا

19 Sep 2011 23:58

اسلام ٹائمز:5 گھنٹے انتظار کے بعد بھی پاکستان ایکسپریس کا انجن تبدیل نہ ہونے پر مسافر مشتعل ہو گئے اور اپ اور ڈائون ٹریک پر احتجاج شروع کر دیا، دوسری جانب سے آنیوالی زکریا ایکسپریس بھی 4 گھنٹے تک کھڑی رہی۔

ملتان:اسلام ٹائمز۔ ملتان میں پاکستان ایکسپریس ٹرین کا انجن فیل ہونے پر مشتعل مسافروں نے ریلوے ٹریک کو احتجاجاً بند کر دیا، 7 گھنٹے کے طویل انتظار کے بعد متبادل انجن آنے پر ریلوے ٹریک بحال کر دیا گیا، ملتان سے کراچی جانے والی پاکستان ایکسپریس کا انجن ملتان کے قصبہ شیر شاہ میں ریلوے اسٹیشن پر فیل ہو گیا، پانچ گھنٹوں بعد بھی ٹرین کا انجن تبدیل نہ ہونے پر مسافر مشتعل ہوگئے اور ریلوے ٹریک پر احتجاج شروع کر دیا، اس دوران کراچی سے ملتان آنے والی زکریا ایکسپریس کو بھی مشتعل مسافروں نے شیر شاہ اسٹیشن پر روک لیا، جس کے بعد اپ اور ڈاون ٹریک ٹرینوں کی آمدو رفت کے لئے بند ہو گئے، دونوں ٹریک چار گھنٹوں تک بند رہے، جس کے بعد پاکستان ایکسپریس کو متبادل انجن لگا کر منزل کی جانب روانہ کیا گیا، اس دوران پاکستان ایکسپریس سات گھنٹے اور زکریا ایکسپریس چار گھنٹوں تک اسٹیشن پر کھڑی رہیں۔

خبر کا کوڈ: 99905