اسلام ٹائمز - پروفیسر ڈاکٹر منظور بلوچ کا بلوچستان کے مسائل پر اہم انٹرویو

پروفیسر ڈاکٹر منظور بلوچ کا بلوچستان کے مسائل پر اہم انٹرویو

بلوچستان یونیورسٹی میں براہوی ڈیپارٹمنٹ کے چیئرمین کا کہنا تھا کہ بلوچ عوام ریاست کو آزما چکی ہے، انکی ترجیحات میں بلوچستان ہے ہی نہیں، پاک فوج بزنسز میں شامل ہوچکی ہے، وہ اقتدار سے باہر نکل ہی نہیں سکتی، اگلے دس سال یا اس سے بھی کم عرصے میں ملک میں بغاوت یا خانہ جنگ دیکھ رہا ہوں۔

بلوچستان کے ضلع قلات کے علاقے بینچہ سے تعلق رکھنے والے پروفیسر ڈاکٹر منظور بلوچ اس وقت بلوچستان یونیوسٹی میں براہوی ڈیپارٹمنٹ کے چیئرمین ہیں۔ گذشتہ بیس سال بلوچستان یونیورسٹی میں خدمات انجام دے رہے ہیں، انہوں نے براہوی زبان میں ماسٹرز اور پی ایچ ڈی کی ہوئی ہے، اسکے علاوہ وہ ماس کمیونیکیشن میں ماسٹرز اور ایل ایل بی بھی کرچکے ہیں۔ انکی براہوی زبان میں شاعری کی تین کتابیں، براہوی زبان پڑھنے والے طلباء کیلئے تین کتابیں اور براہوی زبان پر ایک تنقیدی کتابچہ شائع ہوچکا ہے۔ منظور بلوچ بطور اسکرپٹ رائٹر، میزبان اور پروڈیوسر ریڈیو اور ٹی وی سے منسلک رہ چکے ہیں۔ شعبہ صحافت میں 15 سال گزار چکے ہیں، وہ بطور صحافی روزنامہ مشرق، روزنامہ رہبر، روزنامہ انتخاب، روزنامہ آزادی، روزنامہ آساپ، روزنامہ ایکسپریس نیوز میں بھی کام کرچکے ہیں اور وہ ہفتہ وار سالار کوئٹہ کے ایڈیٹر بھی ہیں۔ وہ دی بلوچستان پوسٹ میں بلوچستان کے سیاسی اور سماجی حالات پر باقاعدگی سے کالم لکھتے ہیں۔ قارئین و ناظرین محترم آپ اس ویڈیو سمیت بہت سی دیگر اہم ویڈیوز کو اسلام ٹائمز کے یوٹیوب چینل کے درج ذیل لنک پر بھی دیکھ اور سن سکتے ہیں۔ (ادارہ)
https://www.youtube.com/c/IslamtimesurOfficial