اسلام ٹائمز - انتخابات 2024 اور اس کے نتائج

تجزیہ ایک ایسا پروگرام ہے، جس میں تازہ ترین مسائل کے بارے میں نوجوان نسل اور ماہر تجزیہ نگاروں کی رائے پیش کی جاتی ہے۔ آپکی رائے اور مفید تجاویز کا انتظار رہتا ہے۔ یہ پروگرام ہر ہفتہ اسلام ٹائمز پر نشر کیا جاتا ہے۔

ہفتہ وار پروگرام تجزیہ
انتخابات 2024 کے نتائج
مہمان: پروفیسر سید صفدر رضا بخاری(صحافی، تجزیہ نگار، معلم)
میزبان و پیشکش: سید انجم رضا
12 فروری 2024

ملک میں 8 فروری کو ہونے والے عام انتخابات میں پولنگ کے بعد نتائج کے اعلان کا طویل سلسلہ۔
عام انتخابات 2024 کے غیر حتمی اور غیر سرکاری نتائج کے مطابق قومی اسمبلی میں تحریک انصاف کے حمایت یافتہ آزاد امیدوار 92 نشستیں لے کر سب سے آگے ہیں جب کہ مسلم لیگ ن 77 اور پیپلز پارٹی نے 54 نشستیں حاصل کی ہیں۔
اس کے علاوہ متحدہ قومی موومنٹ پاکستان 17، دیگر آزاد امیدوار 6، مسلم لیگ (ق) 3، جمعیت علمائے اسلام 4، استحکام پاکستان پارٹی 2 اور مجلس وحدت المسلمین ایک نشست حاصل کرچکی ہے

اہم نکات:
انتخابات کے نتائج کسی مستحکم حکومت کے قیام کا باعث نہیں بنتے نظر آرہے
عوامی الیکٹوریل کالج نے بھرپو ر انتقامی انداز اپنایا ہے
انتخابی نتائج نے مقتدرہ قوتوں کی دیرینہ آرزو پوری کی ہے
عوام نے سیاسی انتقام کو ناپسند کیا ہے
پی ٹی آئی کی قیادت کو بھی اپنارویہ لچک دار کرنا ہوگا
نئی حکومت کے قیام میں پی پی پی کے پاس تُرپ کے پتے ہیں
مسلم لیگ ن دباو کا شکار ہے کہ کیسے اتحادی اکٹھے کرے؟
اتحادی مخلوط حکومت پاکستان کے معاشی استحکام کے لئے دلیر فیصلے نہیں لے سکے گی
پی ٹی آئی کو سولو فلائٹ کی سوچ سے نکلنا ہوگا اور مفاہمتی انداز اختیار کرنا ہوگا
پاکستان کے عوام نے شدت پسند تکفیری سیاست کو ووٹ کے ذریعے رد کردیا ہے
پاکستان کے مسلمانوں نے تکفیری سیاست سے بیزاری کا اظہار کیا ہے