اسلام ٹائمز - عیدالاضحیٰ اور قربانی کی اہمیت کے بارے میں علامہ غلام حسنین وجدانی کا خصوصی انٹرویو

عیدالاضحیٰ اور قربانی کی اہمیت کے بارے میں علامہ غلام حسنین وجدانی کا خصوصی انٹرویو

اسلام ٹائمز سے خصوصی گفتگو میں کوئٹہ کے ممتاز عالم دین کا کہنا تھا کہ ہر عید چاہے وہ عیدالفطر ہو یا عیدالاضحیٰ، ہمارے ہاں ان اعیاد پر نئے کپڑے پہننا، نئے جوتے پہننا، گھومنے پھرنے کیلئے جانا، رشتے داروں کے ہاں جانا ایک رسم ہے۔ یہ تمام اچھی چیزیں ہیں، لیکن یہ تمام چیزیں عید کا حصہ نہیں ہیں۔ عید عود سے نکلا ہے، یعنی پلٹنا۔ جب انسان بھٹک جائے، راستہ گم کر دے اور پھر وہاں پلٹ آئے جہاں سے راستہ بھولا تھا، اسکو کہتے ہیں عید۔

علامہ غلام حسنین وجدانی کوئٹہ کے ممتاز علمائے دین میں سے ایک ہیں، جو امام جمعہ کوئٹہ کا فریضہ انجام دے رہے ہیں۔ ان کے والد گرامی مولانا شفاء علی نجفی بھی عالم دین تھے اور نجف اشرف سے فارغ التحصیل ہوئے اور انکے برادر غلام مرتضیٰ حوزہ علمیہ قم میں مشغول تحصیل ہیں۔ انکا آبائی وطن گلگت نگر ہے مگر انکی پیدائش پاکستان کے شہر کراچی میں ہوئی۔ انہوں نے اپنی ابتدائی تعلیم کراچی سے حاصل کی اور اسکے بعد حصول علم دین اور خدمت اسلام کیلئے قم المقدس کا رخ کیا، جہاں وہ انیس سال زیر تعلیم رہے۔ دینی امور میں مہارت حاصل کی اور جامعۃ المصطفیٰ العالمیہ سے اسلامی علوم میں ایم فل کی سند حاصل کی۔ وہ دوران تعلیم ہادی ٹی وی اور سحر عالمی نیٹ ورک میں دینی پروگرامز کی میزبانی بھی کرتے آئے ہیں۔ سال 2014ء میں وہ بلوچستان کے کچھ مؤمنین کی دعوت پر شہر کوئٹہ آئے اور ابھی تک امام جماعت ہونے کے ساتھ حوزہ علمیہ کوئٹہ اور امام جمعہ کوئٹہ کے طور پر کوئٹہ میں اپنی خدمات سرانجام دے رہے ہیں۔ اسلام ٹائمز نے عیدالاضحیٰ اور قربانی کی اہمیت کے بارے میں ان سے خصوصی انٹرویو لیا ہے، جو پیش خدمت ہیں۔ قارئین محترم آپ اس ویڈیو سمیت بہت سی دیگر اہم ویڈیوز کو اسلام ٹائمز کے یوٹیوب چینل کے درج ذیل لنک پر بھی دیکھ اور سن سکتے ہیں۔ (ادارہ)
https://www.youtube.com/c/IslamtimesurOfficial/videos