ABŞ-da qadınlara qarşı cinsi amansızlıq

Bu mövzuya həsr etdiyi kitabında Karter qadın və qızlarla cinsi rəftarda ayrıseçkilik və amansızlığın böhran həddə çatdığını bildirir. “Addım atmağa çağırış, qadınlar, təriqət amansızlıq və güc” adlanan kitabda bu gün etiraf olunmayan həqiqətlər yer alıb. Kitabın müqəddiməsi belə başlayır ki, bu kitab tamamilə təəssüb, cinsi ayrıseçkilik, müharibə, amansızlıq, dinin yanlış şərhi, psixoloji təcavüz, yoxsulluq və xəstəliyə həsr olunub.

Cimmi Karter kitabın 5-ci fəslində cinsi təcavüz başlığı altında ABŞ cəmiyyətində cinsi zəmində baş verən hadisələrdən söz açır, qadın və qızların hüquqlarının tapdanmasını qabardır. O şəxsi təcrübəsinə əsaslanaraq deyir: “Mən və həyat yoldaşım Corciya ştatında qubernatorluq müddətində başqa bir ştatdan olan tələbə qızı qonaq saxladıq. O qonaq olduğu günlərdə bir gecə göz yaşı içində evə qayıdıb təcavüzə məruz qaldığını dedi.”

Karter Amerikada dövlət səviyyəsində irqçiliyi etiraf edərək deyir: “Haqqında danışdığım ağ dərili tələbə qıza təcavüzlə bağlı məhkəmə işi hələ də başa çatmayıb. İşin uğurla başa çatacağına ümid azdır. Digər tərəfdən gənc qadın hər dəfə məhkəmə prosesində baş vermiş hadisənin təfərrüatına danışmaqla əzab çəkir.”

Karter şəxsi təcrübəsi barədə yazır: “Məhkəmə distansiyaları cinsi təcavüzlə bağlı mövqelərini belə açıqlayır ki, Atlantada onlarla kollec və universitetdə vəziyyət belədir və nəyisə dəyişmək mümkün deyil. Onların nəzərincə belə hadisələrdə məhkəməyə müraciət etmək yox, tərəflər arasında razılığa gəlmək lazımdır.” Karter sual verir ki, qanundakı bu boşluğun nəticəsi haraya aparır. Biz bu mövzuda təcavüzə məruz qalan qızın valideynləri ilə danışdıqda onlar qərara gəldilər ki, qızlarını başqa kollecə köçürsünlər.

Karter öz kitabında yazır ki, hüquq-mühafizə orqanlarının hesabatına əsasən, cinsi təcavüzə məruz qalan tələbələrin 95 faizi şikayət etmir, mövzunu açmamağı üstün sayır.

Karter yazır: “Təəssüf doğuran fakt budur ki, cinsi təcavüzün böyük bir hissəsi universitetlərdə baş verir. Təcavüzkarlar arxayındırlar ki, onlara qarşı iddia qaldırılmayacaq.”

Karter ABŞ cəmiyyətində səs-küy yaradan kitabında ABŞ hərbçiləri barədə yazır: “Rəsmi statistikaya görə 2010-cu ildə qadın hərbçilərin 30 faizi orduda təcavüzə məruz qaldığını etiraf edir. 2004-cü ildə məruz qaldığı təcavüzdən dolayı kömək istəyən hərbçi qadınlar 71 faizdir. 1995-ci ildə aparılmış araşdırmalara əsasən, qadın hərbçilərin 90 faizi cinsi təcavüz və amansızlığa hədəf olur.”

Karter müdafi Nazirliyinin yeni hesabatına əsasən yazır ki, 2012-ci ildə ABŞ ordusunda 26 min cinsi təcavüz faktı qeydə qalınıb. 26 min hadisədən yalnız 3200-ü barədə rəsmi məlumat verilib, yalnız 300 hadisə məhkəmə orqanlarında araşdırılıb.

Kitabda yazılır: “ABŞ Ədliyyə Nazirliyinin hesabatına əsasən, 2006-ci ildə ABŞ-da 191610 cinsi təcavüz hadisəsi ilə bağlı şikayət olunub. Qurbanların 91 faizi qadın və qızlardır.” Bu statistikadan belə görünür ki, ABŞ-da hər gün 475 qadın cinsi təcavüzə məruz qalır, bu hadisələrin 16 faizi məhkəmədə araşdırılır. 

Kitabın 12-ci fəsli addım atmaq üçün çağırış adlanır. Cimmi Karter Avropaya məxsus gəmilərlə həyata keçən insan qaçaqmalçılığından yazır. O yazır ki, son 350 ildə 12 milyon 500 min afrikalı Amerikaya daşınıb. 

Karter etiraf edir ki, onun babasının da onlarla afrikalı qulu olub. Karter yazır ki, beynəlxalq məşğulluq təşkilatının hesabatına əsasən hazırda dünyada 20 milyon 900 min insan zor altında işlədilir. Karter yazır: “XİN-in mətbuat xidməti bildirir ki, insan alveri adlandırılan qul alveri bu gün ciddi şəkildə artmaqdadır. İnsanlar istək və iradələri olmadan bir ölkədən o birisinə aparılırlar. ABŞ ədliyyə nazirliyi bildirir ki, ildə beynəlxalq sərhədlərdən 800 min insan qaçaq yolla ötürülür. Onların 80 faizi qadınlardır. Bu qadınların dörddə üçü cinsi istismar üçün satılır. Sabiq prezident yaratdığı “Karter Mərkəzi”nin hesabatına işarə ilə deyir ki, ABŞ-da təkcə Atlanta ştatında ayda 2, 3 min uşaq satılır. İnsan qaçağının cəzası 50 dollar cərimədir.

Karter amerikalı kişilərin həyat yoldaşları ilə qəddar rəftarına işarə ilə yazır: “Amerikada qadınların dörddə biri müştərək həyatda həyat yoldaşı tərəfindən amansızlığa məruz qalır. 2000-2006-cı illərdə ABŞ ordusunun apardığı hərbi əməliyyatlarda cəmi 3200 hərbçi qətlə yetirilibsə, həmin zaman kəsiyində Amerikada ailələrdə 10600 qətl baş verib.” Sabiq prezident ABŞ əmək bazarında qadınların ayrıseçkiliyə məruz qaldığını qeyd edərək yazır: “ABŞ-da qadınlar kişilərin gördüyü iş müqabilində onlardan 20-23 faiz az maaş alırlar. Amerikanın 145 min fəal şirkətində cəmi 2 min müdir müavini qadındır və onlar öz kişi həmkarlarından 42 faiz az maaş alırlar.”

Karterin kitabı Amerikanın keçmişi yox, bugünki vəziyyətindən danışır və haqqında danışılan cinsi fəsadlar rəsmilər tərəfindən etiraf olunur. Qadınlara qarşı təcavüzlə bağlı mərasimlərdən birində ABŞ vitse-prezidenti Co Bayden deyib: “Amerikada küçə uşaqları böyük bir cəmiyyət təşkil edir. Çünki onların anaları istismar olunmaqdadır.”

Britaniyanın BMT-dəki nümayəndəsi BMT-də baş katibin hüzurunda qadınlara qarşı təcavüz problemindən danışıb. Britaniyalı nümayəndə Karterin kitabında göstərilən rəqəmlərlə bağlı bildirib ki, hərbi əməliyyatlar keçirilməyən regionlarda cinsi təcavüz genişlənir, ailələrdə amansızlıq, insan qaçaqçılığı, qul alveri böhran həddindədir.