Bir neçə gündən sonra Gürcüstanın paytaxtı Tiflis şəhərində Türkiyə, Azərbaycan və Gürcüstan prezidentlərinin iştirakı ilə təhlükəsizlik sammiti keçiriləcək. Formal olaraq üç ölkənin prezidenti Tiflisə Bakı-Tiflis-Qars dəmir yolu xəttinin layihəsinin müzakirəsi ilə bağlı yığışır, lakin bilirik ki, bu layihədə müzairə olunası artıq heş nə qalmayıb və yaxın gələcəkdə açılışı olacaq. Prezidentlərin görüşü isə regionda baş verən hadisələr fonunda rəsmi Moskvaya mesaj ünvanlamaqdır. Rusiya hakimiyyətinə ünvanlanan mesaj ondan ibarətdir ki, Cənubi Qafqaz öz müstəqilliyini qoruyub saxlamaqda israrlıdır və qərblə heç də əlaqələrinə son vermək niyyətində deyil.
