Türkiyə: İsveç NATO-ya daxil olmağı ağlından çıxarsın

Sputnik xəbər agentliyinə istinadla xəbər verir ki, bu barədə Türkiyənin hakim Ədalət və İnkişaf Partiyasının sözçüsü Ömər Çelik bildirib ki, İsveçin ifrat sağçı fəallarının ölkə hökumətinin icazəsi ilə Türkiyə səfirliyi qarşısında Qurani-Kərimi təhqir etdiyini nəzərə alsaq, Stokholm bundan sonra bu ölkənin NATO-ya daxil olması üçün Türkiyənin dəstəyini gözləməməlidir.

Ömər Çelik CNN-ə deyib: İsveçlə nə danışmalıyıq? Danışıqlar otağında həmişə nədən danışırdıq? Onlar münasibətlərdə İrəli gedilməsini istəyirlər, amma indi geriyə gedirik.

Qeyd edək kii, Rusiyanın Ukraynada hərbi əməliyyatlarından sonra Finlandiya və İsveç NATO-ya üzv olmaq üçün müraciət etdilər və bu, bütün 30 üzv tərəfindən təsdiqlənməlidir. Amma Türkiyənin şərtləri var idi; Belə ki, Şimali regionun bu iki ölkəsi kürd fəalları və PKK tərəfdarlarını dəstəkləməməli və şübhəliləri Türkiyəyə qaytarmalı idi.

Bununla belə, çoxtərəfli danışıqlar bir çox maneələrlə üzləşib və bir ekstremistin Türkiyənin Stokholmdakı səfirliyi qarşısında son hərəkəti vəziyyəti daha da mürəkkəbləşdirib.