"Mehr" xəbər agentliyinin məlumatına görə, neftin qiymətinin düşməsinə səbəb Çinin İranın neft tankerlərini sığortalaması ilə bağlı qərar verməsi olub.
Çinin bu addımı İran neftinin Asiyadakı alıcılarının narahatçılığını aradan qaldırıb. İran Milli Neft Şirkətinin hesabatına görə, 2012-ci il martın 16-da İran öz neftinə dünya bazarında alıcı tapıb. Belə ki, İran yüngül dərəcəli neftinin bir barelinə Qərbi Avropada və Cənub Afrikada müvafiq olaraq 123,06 dollar və 122,80 dollar ödəyən alıcı tapıb. İranın ağır dərəcəli neftinin bir bareli isə Avropa və Afrika qitəsində müvafiq olaraq 121,71 dollar və 121,45 dollara satılıb.