Türkiyə prezidenti Rəcəb Təyyib Ərdoğan Türkiyə-Qətər münasibətlərinin hər iki tərəf üçün faydalı (uduş-uduş) olduğunu bildirib. Hazırda hərb, ticarət, turizm, enerji və digər sahələrdə iki ölkə arasında əməkdaşlıqlar genişlənməkdədir. Türkiyə-Qətər əməkdaşlığı hərbi sənayedə özünü daha çox göstərir. Yeni Şəfəq qəzetində iki ölkənin genişlənən münasibətləri barədə məqalədə bildirilir ki, 2002-ci ildən, İnkişad və Ədalət Partiyası qalib gələndən sonra iki ölkənin münasibətləri yüksələn xətlə davam edir.
