اسلام ٹائمز۔ غزہ پر صہیونی جارحیت کے جواب میں امریکی صدر باراک اوباما نے ایک بار پھر اسرائیل کی حمایت کی ہے۔ جبکہ فلسطینی صدر نے معاملہ اقوام متحدہ میں اٹھانے کا عندیہ دے دیا۔ غزہ کی صورتحال پر اسرائیلی وزیر اعظم نیتن یاہو کی زیر صدارت کابینہ کا ہنگامی اجلاس منعقد ہوا۔ کابینہ نے 75 ہزار ریزرو فوجیوں کو غزہ کی صورتحال کے پیش نظر الرٹ رہنے کی منظوری دی۔ دوسری جانب امریکی صدر اوباما اور اسرائیلی وزیر اعظم کے درمیان ٹیلی فونک رابطہ ہوا، جس میں صدر اوباما نے ایک بار پھر اسرائیل کی حمایت کر دی۔