Türkiyədə MASSON və sionistlərin izi - Tam mətn

Təəccüblü də olsa müşahidə edirik ki, sionist rejimə münasibətdə rol oynayan Türkiyə siyasiləri qonşu müsəlman dövlət və millətin üzərinə silah çəkir. Bunun səbəbi hakimiyyət piramidasında masson və sionistlərin nüfuzudur.

Son iki ildə, İslami Oyanış Hərəkatı başlayan zamandan bu yana ekspertləri təccübləndirən hadisələr arasında Türkiyənin Suriyaya qarşı sionistlərlə həmkarlığı da yer aldı. Unutmayaq ki, Suriya sionizmə müqavimət cəbhəsinin ön xəttidir.

Türkiyənin hazırkı başçıları mübariz, anti-sionist islamçı mərhum Nəcməddin Ərbəkanın şagirdi adı ilə öyünən şəxslərdir. Onlar dini dəyərlərin ictimailəşdirilməsi, hicaba azadlıq şüarları ilə hakimiyyətə gəldilər. Sonra Türkiyə baş nazirinin Davos konfransında İsrail prezidentinə etirazı dünya ictimaiyyətində Türkiyə hökuməti ilə bağlı müəyyən fikirlər formalaşdırdı. İndi aydın olur ki, istər İsrail prezidentinə etiraz, istər Fələstinə göndərilən yardım karvanı bir oyun imiş. Məqsəd Türkiyəni müsəlman ölkələrinin hamisi kimi tanıtdırmaq olub. Məntəqə ölkələri arasında İranı yox, Türkiyəni lider kimi tanıtdırmaq məqsədi ilə çirkin oyunlara əl atılıb. Onlar hətta İran İslam Respublikasının da etimadını qazana bilmişdilər. Yaşanan dövr olduqca mühüm bir dövrdür. Böyük Rəhbərlik Məqamı haqlı olaraq bu dövrü tarixi döngə adlandırmışdır. Məhz belə bir dövrdə Türkiyə başçıları sionistlərlə əl-ələ verib insan haqqlarının qorunması adı altında Suriyada fitnəkarlığa əl atdılar.

Müsəlman Türkiyə xalqı öz iftixarlı keçmişinə qayıtmaq istəyirsə mərhum Ərbəkanın təbirincə Avropa Birliyinin arxasında sürünməməli, İslam məmləkətləri cərgəsində yer tutmalıdır. Bu mənlik müsəlman türk xalqının ilahi fitrətindədir. Masson Atatürkün ideyaları 70 il təbliğ olunsa da türk xalqının İslami kimliyini dəyişə bilmədi.

Türkiyənin sionist rejimlə həmrəyliyi olduqca heyrətamiz və inanılmazdır. Prosesləri izləyəndə qətiyyətlə deyə bilərik ki, Türkiyə dövləti sionistlərdən əmr alır. Təəssüf ki, bu belədir. Əgər geri qayıdıb bu ölkənin ötən 100 ilini nəzərdən keçirsək, şahid olarıq ki, böyük Osmanlı dağılan gündən Türkiyə masson-sionist təşkilatların hakimiyyəti altında olub. Yeni Türkiyə adlanan bu quruluşa massonlar istiqamət verib.

Deyilənlərin isbatı üçün öncə sionizmlə massonluq arasında rabitəni sübuta yetirməliyik. Mütəxəssislər bu fikirdədir ki, massonluq da sionizm kimi təhrif olunmuş yəhudilikdən qaynaqlanır. Başqa sözlə sionizm və massonluq təhrif olunmuş yəhudilik sikkəsinin iki üzüdür.

Sionist protokollarda dünya sionist hökumətinin layihəsi verilir. Protokollarda dəfələrlə qeyd olunur ki, massonluq dünya sionizmi üçün bir vasitədir. 9-cu protokolda oxuyuruq: “Səltənətimizi qurduğumuz vaxt bu gün şüarımız olan azadlıq, ədalət və bərabərlik sözlərini hazırkı mənanı daşımayan simvolik sözlərlə əvəz edəcəyik. 11-ci protokolda deyilir: “Hiylə və yalanla çatacağımız məqsədlərə doğru yolla çata bilmərik. Gizli masson lojaları bu prinsip üzərində qurulub. Lojalardakı sirlərdən, onların son məqsədindən məlumatı olan yoxdur. Biz elə sözlər deyirik ki, lojalarda və yığıncaqlarda böyük kütlələri, hətta qeyri-yəhudi fərdləri cəzb edə bilək... Biz bu xəbərsiz ordunu öz məqsədlərimizi həyata keçirmək üçün meydana göndərəcəyik.”

4-cü protokolda oxuyuruq: “Özündən xəbərsiz kütlə (“Goyem” – heyvan, murdar, kafir, müşrik, qeyri-yəhudi, qeyri-yəhudilərə verilmiş təhqiramiz ad) bizə xidmət edir, bizim üçün bir pərdədir. Biz öz məqsədlərimizi onların kölgəsində həyata keçiririk. Əsil məqsədlərimiz, onların vaxtı və yeri isə sirdir və kimsə ondan xəbərdar deyil.”

ABŞ-ın “The Israilite America” jurnalı (1866, avqust) xaxam İshaq Vaysdan belə nəql edir: “Massonluq dərəcə, təlim, gizli mesajlar, tarixi yaddaşlar baxımından yəhudi təşkilatıdır, onun əvvəli də sonu da yəhudilərə aid olub.” “Al-Mashriq” jurnalında (1911, avqust) deyilir: “Massonluqla yəhudiliyin rabitəsindən möhkəm rabitə olmayıb. Ona görə də mütəxəssislər bu məsələdən söz düşəndə təəccüblənmirlər. Aydındır ki, massonluq yəhudiliyə çevrilmişdi. Başqa sözlə yəhudilər çirkin niyyətlərinə çatmaq üçün masson olmuşlar.

Yeni Türkiyə isə sionist bir təsisatdır və sadəcə iddia deyil. Tarixi mənbələrdən aydın olur ki, yəhudilər elə az sayda ikən Osmanlı İmperatorluğunda yaşayırdılar. Onların Osmanlı sarayına nüfuzu isə 17-ci əsrin ortalarına aiddir. Həmin vaxt yəhudi əsilli bir ispaniyalı Şabtay Livi iddia etdi ki, İsa Məsihdir. O Tövrat və Təlmudu diqqətlə mütaliə etmişdi. Eyni zamanda riyazət, pəhriz əhli idi, zahiri cazibədarlığı vardı. Gündə dənizdə qüsl verər, oruc tutar, namaz qılar, müridlərini təsiri altında saxlayardı. Bu şəxs İzmir körfəzinin böyük xaxamından təhsil almışdı. Xaxamın adı Yusif ibn Şaul Eskapa idi. Şabtay 18 yaşında xaxamlıq məqamına çatdı.

Azca geri qayıdıb tarixdəki ictimai-siyasi hadisələri nəzərdən keçirsək aydın görərik ki, yeni Türkiyə Osmanlı dağılan gündən masson-sionist ideyası olub. Yeni Türkiyəni İslam dünyasında sionist massonların qərargahı saymaq olar.

Şabtayın özünü Məsih elan etməsi Avropa və digər məntəqələrdə böyük sevinclə qarşılandı. Bu hadisə yəhudi tarixinin məsihilik hərəkatına çevrildi. Çox keçmədi ki, Şabtay ilahi məqam həvəsinə düşdü. Onun bu iddiasını yalançı peyğəmbər Natan Ğəzzei adlı (və ya İbrahim Natan Livi) yəhudi himayə edirdi. Natan mükaşifə adlı məktublarında belə yazırdı: “Şabtay hakimiyyəti Osmanlı sultanından müharibəsiz alacaq və onu özünə xidmətçi edəcək. Sonra Musanın 13 yaşlı qızı zühur edəcək və Şabtayla ailə quracaq. Şabtayın qeyb dövründə sultan ona qarşı qiyam qaldıracaq və Qəzzə istisna olmaqla Osmanlı bir-birinə qarışacaq.”

Şabtayın ilahilik həvəsi Osmanlıda etirazla qarşılandı. Ona ölüm hökmü verən öz ustadı xaxam oldu. Bundan da maraqlısı, etirazlardan bir il ötməmiş Şabtay sultan 4-cü Məhəmmədin hüzurunda alimlərin suallarına cavab verə bilməyib İslamı qəbul etdi.

* * *

İslamı qəbul etmiş yəhudi, sultanın xüsusi həkimi Mustafa Həyatzadə bu məclisin qurulmasında xüsusi rol oynamışdı. Həmin məclisdən sonra sultan Şabtaya xüsusi diqqət göstərdi. Natan Ğəzzei İslam məmləkətlərinə nüfuz ideologiyasını işləmişdi. O Şabtayın missiyası barədə yazır: “Məsih (Şabtay Livi) öz missiyasını yerinə yetirmək üçün xəlifəyə yaxınlaşdı. Özünü elə göstərirdi ki, təslim olub. Əslində isə ona tapşırılmış vəzifəni yerinə yetirirdi. Bu vəzifə xəlifəni təsir altına salmaq idi. Şabtay bir casus olaraq düşmən ordusuna göndərilmişdi. Onun İslamı qəbul etməsi bir oyun idi. Şabtayın İslama gəlişi ilə onun tərəfdarları da İslamı qəbul etdilər. Beləcə kiçik və nizamlı bir qrup Osmanlıda dövlət işlərinə sahib durdu. Onlara Dönmə, yəni müsəlman olmuş yəhudi deyirdilər. Onlar ideoloji fəaliyyət göstərir, pantürkizmi formalaşdırır, ikinci sultan Əbdül-Həmidin hakimiyyətdən getməsi üçün plan cızırdılar. 1908-ci ilə aid sənəd və hadisələr göstərir ki, Osmanlı paytaxtında sultana qarşı qiyamda yəhudilər iştirak edib. Onların məqsədi Osmanlının süqutu və massonluğun hakimiyyətə gəlişi idi.

Bernard Luis yeni Türkiyənin zühuru kitabında yazır ki, Türkiyədə həmin vaxt yaranmış İttihad və Tərəqqi cəmiyyəti kimi təşkilatları yəhudilər idarə edirdi. 1909-cu ildə 2-ci Əbdül-Həmidin devrilməsi Dönmə yəhudilərin işi idi. Britaniyanın Osmanlıdakı səfiri Lüter 1910-cu ildə öz nazirliyinə yazırdı: “Daxilən yəhudilər və türklərdən təşkil olunmuş İttihad və Tərəqqi cəmiyyəti nüfuz sahibidir. Bu təşkilatı hərbi baxımdan türklər, ideoloji və maliyyə baxımından yəhudilər təchiz edir.”

Alman massonları gənc türklər təşkilatını himayə edirdi. İttihad və Tərəqqi cəmiyyətini də bir neçə il sonra almanlar gücləndirdi. Osmanlı dövləti müharibəyə sövq olundu və xəyanətlər nəticəsində parçalanıb yeni Türkiyə formasında yəhudi siyasətini davam etdirdi. Çox qəribədir ki, İslam imeratorluğunun mərkəzi olan Osmanlı massonluğun mərkəzinə çevrildi.

Almaniya dövləti İttihad və Tərəqqi cəmiyyətinin vasitəsi ilə Türkiyəni nəzarətə götürdü. Balkanlarda müharibə başladıldı və Türkiyə Almaniyanın müttəfiqi olaraq müharibəyə qatıldı.

Həmin vaxt müdafiə naziri olan Ənvər Paşa masson kimi tanınırdı. O ölkəni müharibəyə qatmaq üçün almanlardan 5 milyon lire qızıl almışdı. Hadisələrin mahiyyətini anlayan sultan Əbdül Həmid xeyli müqavimət götərdikdən sonra beynəlxalq masson-sionist təşkilatı qarşısında təslim oldu. O xatirələrində yazır: “Doktor Əbdullah Cövhəd, doktor İshaq Sukati, doktor Bəhauddin Şahi, doktor Nazim, doktor İbrahim Təmud İtaliya və Fransadakı mason lojalarına bağlı idilər. Bu adamlar massonların maliyyə dəstəyi ilə yaşayırdı. Onlar bu adamlara zamanı çatanda bayraq verib meydana saldılar. Mən tək idim və mane ola bilmədim. Bütün dünya onların arxasında dayanmışdı.”

Beləcə sionistlər masson türklərin yaratdığı yeni Türkiyə vasitəsi ilə bu günədək Türkiyənin müsəlman xalqına hakim olmuşlar.

Osmanlı imperiyasının 600 il paytaxtı olmuş şəhər nəinki dindən uzaqlaşmış, hətta dinə zidd görkəm almışdır. Massonlar o zamandan Türkiyədə ardıcıl hərbi çevrilişlər edərək, sonda yəhudi əsilli dönmə Atatürkün çevrilişi ilə öz hakimiyyətini möhkəmləndirmişlər. Elə qədimdən bu ölkə massonların təsirindən çıxa bilməyib. Əlbəttə ki, bir ölkəyə hakim olmuş sionistlər ondan asanlıqla əl çəkəsi deyil. Onlar öz əlaltılarını bir-birinin ardınca hakimiyyətə gətirir və xalqın adından danışırlar. Bu gün İslam adı altında xalqın rəyi ilə hakimiyyətə gələn partiya düşmənin məntəqədə ən təhlükəli vasitəsinə çevrilmişdir. Sionistlər və amerikalılar Türkiyənin zahirən İslam rejimini İslam müqavimət cəbhəsinə qarşı qoymuşlar. Bunun əsas səbəbi Türkiyə rejimində massonların nüfuz sahibi olmasıdır.

Türkiyə prezidenti öz rəsmi saytında etiraf edir ki, Order of the Bath masson təşkilatının üzvüdür. Britaniya massonlarına bağlı Chatam house institutu bu şəxsi fəxri ordenlə təltif edir və sionist rejim başçısı onunla qədəh-qədəhə vurur. Müsəlmanlıq iddiasında olan Türkiyə baş naziri bir vaxtlar dünyanın gözü qarşısında Ariel Şaronla qol-boyun olurdu. Hakimiyyətə gələndən sonra da İsrail və NATO ilə bütün hərbi müqavilələrin qüvvədə qaldığına şahid olduq. Artıq şübhə yeri qalmır ki, dönmə massonların hakimiyyəti altında olan Türkiyə İsrailin xeyrinə işləyir. Əgər müqavimət cəbhəsində Suriyanın dostları, xüsusi ilə İran olmasaydı, BMT Təhlükəsizlik Şurasında Suriyaya dəstək verilməsəydi sionistlər bu ölkədə böyük fitnəkarlıqlar törədəcəkdi. İraq xalqının başına gələnlər Suriya xalqını da hədələyir.

Sionistlər 1-ci dünya müharibəsində Türkiyəni müharibəyə vadar edib onu parçaladılar. Nəticədə qəsbkar İsrail hökuməti quruldu. İndi də Türkiyə müqavimət cəbhəsinə qarşı qızışdırılır. İsrail bu yolla 33 və 22 günlük müharibələrdəki məğlubiyyətlərinin əvəzini çıxmağa çalışır. Suriyada vəziyyətin gərginləşməsi həm də işğal olunmuş torpaqları yaddan çıxarır. İmperializmin formalaşdırdığı Azad Suriya Ordusunun rəhbərlərindən olan Bürhan Qəlyun aşkar şəkildə elan edir ki, Suriyada hakimiyyətə gəlsə müqavimət cəbhəsi və İranla əlaqələri kəsəcək, İsraillə dostluq əlaqələri quracaq. Suriyada yaranmış böhranda Türkiyənin atdığı addımlara İsrail heç zaman cürət etməzdi.

Suriyada sionistlərin misilsiz fitnəkarlıqlarında dönmə Türkiyə müsəlmanları icraçı rolunu oynayır.

Beynəlxalq sionizm Əbdül Həlim Xəddamın xəyanətkar himayədarlığı zamanı prezidentin birinci müavininin əli ilə ən məxfi məlumatları Suriyadan çıxarıblar. Onlar arxayın idilər ki, qısa bir müddətdə Bəşar Əsədin hakimiyyətinə son qoyulacaq. Zahirdə Fələstini müdafiə edən bir çox dövlət başçıları Suriya üzərində qələbədən pay almaq üçün maskalarını çıxarıb İsraillə yan-yana dayandılar.

Əgər Suriya dövlət və xalqının birliyi, misilsiz qəhrəmanlıqlar, müqavimət cəbhəsindəki dostlar İranın yardımları, BMT-də müdafiəçiləri olmasaydı Suriya görünməmiş fəlakətlərə uğrayardı.

Məntəqənin müsəlman xalqları, xüsusi ilə qeyrətli Türkiyə xalqı bilməlidir ki, sionist massonlar məntəqəyə hakim olduqca Türkiyə siyasilərinin mövqeyi dəyişməyəcək. Massonlar Osmanlı imperatorluğunu süquta uğratmaq üçün neçə yüz il fəaliyyət göstəriblər. Sionistlər Türkiyə xalqını rahatlıqla azad buraxası deyil. Bir fitnəkarlığın ardınca o birisini başlayasıdırlar.

Türkiyə xalqı özü-özünü xilas etməlidir. Yalnız xalq sionistlərin hüzuruna son qoya bilər. Türklərin inqilaba ehtiyacı var. Bu inqilab İslami bir inqilab olmalıdır.

Əgər Türkiyə müsəlmanları öz iftixarlı keçmişlərinə qayıtmaq istəyirlərsə mərhum Ərbəkanın təbirincə Türkiyə Avropa Birliyinin arxasında sürünməməli, İslam məmləkətləri cərgəsində yer tutmalıdır.

Türkiyə xalqının fitrətində ilahi kimlik var. Atatürkün 70 illik masson fəaliyyətləri bu kimliyi əridə bilmədi. Türkiyənin bu günki rəsmiləri özlərini İslam simasında göstərməyə məcburdurlar.

“Mədəniyyətlərin toqquşması” nəzəriyyəsinin müəllifi Samuel Hantinqton etiraf edir ki, Türkiyə nə coğrafiya, nə də mədəniyyət baxımından Avropadan sayılmır. Atatürkün Avropaya qarışma təlaşlarına baxmayaraq əksər türklər dini köklərə bağlıdırlar.

Türkiyənin müsəlman və qeyrətli xalqı öz hökumətinin Suriya siyasətinə etiraz olaraq “Amerika qatildir”, “Suriya xalqı qardaşımızdır”, “Ərdoğan Suriyadan əl çək” “biz imperializmin əsgərləri deyilik” kimi şüarlarla etiraz aksiyaları keçirirlər.

"IslamTimes" - Tərcümə şöbəsi