Avropa iqtisadiyyatının problemlərinin həll olunması avropalıların daxili işidir, lakin ABŞ Avroatlantika alyansı üzrə tərəfdaşlarına məsləhətlərlə hərtərəfli yardım etməyə hazırdır. ABŞ prezident Barak Obama belə bir fikir səsləndirib.
«Avropa bizim birinci ticarət tərəfdaşımızdır və çox vacibdir ki, Atlantikanın hər iki tərəfində çiçəklənmə olsun. Son nəticədə Avropanın problemləri avropalılar, avropalı rəhbərlər tərəfindən həll olunacaq. Bu çox vacibdir, çünki onlar öz milli maraqlarını müdafiə etdiklərini sübut etməlidirlər».