Amerika və Rusiya arasında gərginlik

ABŞ dövlət katibi Hillari Klinton Rusiyada keçirilmiş parlament seçkiləri ilə bağlı narahatlığını dilə gətirib.

APA-nın “Reuters” agentliyinə istinadən verdiyi məlumata görə, H. Klinton insan haqlarına önəm verdiklərini söyləyib: “Biz keçirilmiş seçkilərdən narahatlığımızı bildiririk və bunu kifayət qədər əsaslı sayırıq. Biz rus xalqının inkişaf etmək və yaxşı gələcək yaratmaq hüququnu müdafiə edirik”.

Xatırladaq ki, H. Klinton bir neçə gün əvvəl Rusiya Dövlət Dumasına keçirilmiş seçkilərin azad və ədalətli olmadığı barədə bəyanatla çıxış edib. ABŞ Dövlət Departamentinin rəsmi nümayəndəsi Cey Karni də səsvermənin gedişində baş verən qanun pozuntularından narahatlıq duyduqlarını söyləyib. Bu bəyanatlar Rusiya rəhbərliyində qəzəblə qarşılanıb.