Bəhreynlilər meydanda

Bəhreyn inqilabının başlanmasının bir ilinin tamam olmasının astanasında Bəhreynin siyasi və ictimai təşkilatları xalqı inqilabın bir illiyində yenidən "Lu-Lu" meydanına çıxmağa çağırıblar.

Bəhreyn inqilabçılarını mərkəzi təşkilatı "Bəhreyn 14 fevral Koalisiyası" bəyanat yayaraq Bəhreyn xalqına müraciət edərək 14 fevral tarixində yenidən Lu-Lu meydanını zəbt etməyə səsləyib.

Xatırladaq ki, bəhreynlilər keçən ilin fevral ayının 14-dən başlayaraq paytaxt Manamanın Lu-Lu meydanında etiraz aksiyaları keçirməyə başlamışdılar ki, mart ayının ortalarından Ali Xəlifə rejimi Ali Səud ordusunun köməyilə meydanda yığışanlara hücum edərək zor gücünə onları meydandan çıxartmağa müvəffəq olmuşdu. Meydanı əldən vermələrinə baxmayaraq, bu günə kimi etiraz aksiyaları keçirməyə davam edirlər. /AzadXeber/