Bu gün Misirdə prezident seçkisi keçirilir

Prezident kreslosu uğrunda 13 namizəd mübarizə aparır. Onlardan 5 nəfəri – Ərəb Dövlətləri Liqasının keçmiş baş katibi Əmr Musa, keçmiş baş nazir Əhməd Şəfiq, islamçı Əbdülmənəm Əbülfəttah, «Müsəlman qardaşlar»ın nümayəndəsi Məhəmməd Mursi və sosialist Həmdin Sabbahinin qalib gəlmək şansları daha yüksək qiymətləndirilir.

Seçkidə qalib gəlmək üçün namizəd 50%-dən çox səs toplamalıdır. Namizədlərdən heç biri 50%-dən çox səs toplaya bilməsə, ən çox səs toplamış iki namizəd iyunun 16-17-də ikinci turda mübarizə aparacaqlar.

Seçkini müşahidə etmək üçün 50-dən artıq ölkədən müşahidəçilər dəvət olunub.