Hakimiyyət dünyaya qarşı

Avropa bəzi yüksək vəzifəli məmurlara qeyri-rəsmi viza qadağası tətbiq edib; yeganə alternativ Rusiya olsa da, onunla münasibətlərdə də ciddi problemlər var, Putinin MDB-yə yönələn aqressiv kursu Bakının qarşısında seçim qoymur

Qərbin, xüsusən də Avropanın və onun hökumətlərinin, ictimai institutlarının, mətbuatının Azərbaycan iqtidarına qarşı insan haqları basqısı onu tamamilə özündən çıxarıb. Son günlərin hadisələri və Prezident Administrasiyasının baş ideoloqu hesab edilən Əli Həsənovun mayın 31-də Bakıda keçirilmiş tədbirdə hamını şoka salan çıxışı göstərir ki, YAP iqtidarı hamıya-Avropaya, ölkə müxalifətinə, mətbuata, İrana qəzəblidir və ölkənin kursunu dəyişmək üçün artıq düyməyə basıb.