Noyabr ayının üçüncü ongünlüyündə Azərbaycan, Türkiyə və İranın xarici işlər nazirləri Elmar Məmmədyarov, Əhməd Davudoğlu və Əli Əkbər Salehinin növbəti görüşünün keçiriləcəyi gözlənilir. Bu barədə bazar ertəsi Trend-ə Türkiyənin Xarici İşlər Nazirliyindən məlumat verilib.
Qeyd edək ki, görüşün Türkiyədə keçirləcəyi bildirilib. Azərbaycan, Türkiyə və İran XİN rəhbərlərinin sonuncu üçtərəfli görüşü martda Naxçıvanda keçirilib. Görüş yekun sənədin-bəyannamənin imzalanması ilə başa çatıb. /XezerXeber/