Sərxoş Səudiyyə şahzadəsi Riyadda gənc oğlanı qətlə yetirib

Islam times.org/az/ - Əl-Aləm xəbər agentliyinin verdiyi məlumata əsasən Türki bin Feysəl Ali Səud Adil əl Muhaymed və onun dostuna atəş açmış və əl Muhaymedi qətlə yetirmişdir.

Gənc oğlanın dostu isə ağır yaralanmış və yaxınlıqdakı xəstəxanaya aparılmışdır.

Səudiyyəli fəalların sosial şəbəkələrdə bildirdiklərinə görə qətl zamanı Səudiyyə şahzadəsi sərxoş olmuşdur.

Hakim rejimə qarşı narazı insanların sayı getdikcə artmaqdadır. 2011-ci iln fevral ayından etibarən insanlar Səud rejiminə qarşı öz narazılıq və nifrətlərini nümayiş etdirmək üçün kütləvi nümayişlər keçirirlər.

Səudiyyə rəsmiləri ölkə boyu nümayişlər yatırtmaq üçün Səudiyyəli fəalların və müxalifət nümayəndələrinin həbsini genişləndiriblər.