Suriyadakı müharibənin dəstəkçiləri olan Ankara və Riyad BMT TŞ-nı tənqid ediblər

Doğan xəbər agentliyinin Türkiyə prezidenti Abdullah Gülün jurnalistlərə müsahibəsində belə dediyini bildirib: “BMT artıq kifayət qədər öz legitimliyini itirib.”

Abdullah Gül Türkiyə kimi Suriya hökumətinə qarşı qanlı müharibəni dəstəkləyən Səudiyyə Ərəbistanın BMT Təhlükəsizlik Şurasına üzvlükdən imtina etməsindən bir gün sonra bu açıqlamanı verdi.

Gül deyib: “Mən bilirəm ki, Səudiyyə Ərəbistanın bu qərarı beynəlxalq ictimaiyyətin nəzərini bu məsələyə yönəltmək məqsədi daşıyır. Biz onların qərarına hörmət ilə yanaşmalıyıq.”

Səudiyyə Ərəbistanı xarici işlər nazirliyi cümə günü bəyanat yayaraq deyib ki, Riyad uzun müddət davam edən Yaxın Şərq münaqişəsini həll edə bilməyən bir qrumun üzvü olmaqdan imtina edib.

Türkiyə, Səudiyyə Ərəbistanı və Qətər hər üçü birlikdə Suriyada 2011-ci ilin mart ayından başlayan və 115 mindən çox insanın həlak olmasına səbəb olan müharibənin ən böyük dəstəkçisidirlər.

Türkiyə sərhədləri öz həddən artıq qəddar və radikal əməlləri ilə ad qazanmış üsyançılara bütün dünyadan toplanmış silah-sursatların ötürülməsi və terroristlərin Suriya ərazisinə keçməsi üçün təmamilə açılmışdır. Suriya dəfələrlə Türkiyədən sərhədlərini silah qaçaqmalçılarının üzünə bağlamasını tələb etmişdir, ancaq Ankara heç vaxt bu tələbə əməl etməmişdir.