İsrailin Qəzzaya təcavüzü davam edir

Yerli tibbi mənbənin verdiyi məlumata əsasən İsrail ordu qüvvələri şənbə günü Tel Əviv rejiminin Qəzzanın Xan Yunis şəhərinin cənubunda ayırıcı divarın yanında atəş açaraq 16 yaşlı gənci yaralayıblar.

Eyni hücum zamanı İsrail ordu qüvvələri həmçinin Qəzza şəhərinin Aralıq Dəniz sahilində balıqçılıq ilə məşğul olan fələstinlinin qayığına atəş açmış və nəticədə 36 yaşlı balıqçı yaralanmışdır.

İsrail ordusu həmçinin ordu qüvvələrinin fələstinlilərə atəş açdığını təsdiq etmiş və iddia edərək bildirmişdir ki, onlar təhlükəsizlik zonasını pozduqları üçün atəşə məruz qalıblar.

Tel Əviv rejimi 2008-ci ildə iddia edilən təhlükəsizlik səbəbləri üçün Qəzza Zolağı ilə sərhəddə buffer zona təşkil edib və bununlada xeyli sayda fələstinlilərin ferma və əkin sahələrini dağıdıb.

Zona Fələstin ərazisinin 300 metrini əhatə edir, ancaq məlumatlara əsasən İsrail rejimi daha böyük ərazidə girişə qadağa zonası tətbiq edib.

İsrail ordu qüvvələri tez-tez 2007-ci ildən bəri demək olar ki, mühasirə səbəbindən təmamilə dünyadan təcrid edilmiş Qəzza Zolağı ilə sərhəddə ərazisində yaşayan fələstinlilərə qarşı hücumlar təşkil edir.

Mühasirə nəticəsində 1.7 milyon fələstinli yaşayan Qəzza Zolağı dünyanın ən böyük açıq səma altında olan həbsxanasına çevrilib.

2012-ci ilin noyabr ayında İsrail rejimi Qəzzaya qarşı səkkiz günlük müharibə başlatdı. Qəzzaya qarşı bu zorakı təcavüz nəticəsində 160-dan çox fələstinli qətlə yetirilmiş və 1200 nəfər isə yaralanmışdır.