İraq türkmənlərinin yaşadığı qəsəbələrdən biri İŞİD-in nəzarətindən çıxarılıb

APA-nın xarici KİV-ə istinadən verdiyi xəbərə görə, 20 min nəfər türkmənin yaşadığı qəsəbə yenidən İraq ordusunun nəzarətinə keçib.  Məlumata görə, İraq Silahlı Qüvvələri keçirdikləri hərbi əməliyyat sayəsində Amerlini terror qruplaşmasından azad edə biliblər. Əməliyyata ABŞ da havadan dəstək verib.
İraq ordusu qəsəbənin ətrafındakı Həbəş, Lokum, Hafriyə və Yengice kəndlərini də İŞİD-in nəzarətindən çıxara bilib.
Məlumatda İŞİD-in çoxlu itki verərək geri çəkildiyi qeyd olunur.