Fransa deputatların Dağlıq Qarabağa səfərindən xəbərsizdir

Cavab məktubunda Fransa Respublikası Milli Assambleyasının sədri Bernar Akuoye bu hadisədən xəbəri olmadığını və bu məlumatı səfirliyin məktubundan sonra əldə etdiyini bildirib. Məlumatı cümə axşamı Azərbaycan XİN-in mətbuat xidməti yayıb.
Akuoye bu səfərin qətiyyən Milli Assambleyanın rəsmi missiyası olmadığını və fransız deputatların şəxsi səfəri olduğunu qeyd edib. O, həmçinin, səfərin Milli Assambleyanın hesabından maliyyələşdirilmədiyini də məktubunda qeyd edib.
Milli Assambleyanın sədri Akuoye bu deputatların tutduqları qeyri-rəsmi mövqenin Minsk qrupunun tərkibində Dağlıq Qarabağ münaqişəsinin dinc həlli axtarışında səylərini davam etdirən Fransanın iştirakını şübhə altına almayacağını vurğulayıb. /Trend/