İŞİD ABŞ tanklarıyla Rusiyaya qarşı döyüşəcək

Axar.az xəbər verir ki, bu barədə informasiyanı ABŞ-ın “National İnterest” qəzeti yayıb. İŞİD artıq Suriyada ABŞ istehsalı olan 140 ədəd M1A1 Abrams tankına sahibdir:

“Rusiya Suriyaya bir neçə T-90 tankı, 15 ədəd özüyeriyən artilleriya qurğusu, 35 PDM gətirib. İŞİD isə artıq İraq hərbçilərindən 140 ədəd “Abrams” tankı əldə edib. Doğrudur, bunların çox hissəsi tank əleyhinə raketlər vasitəsilə vurulsa da, istənilən vədə işlək vəziyyətə gətirilə bilər. İŞİD bunları daha çox İraqda istifadə edir, amma onun Suriyada tətbiq olunma ehtimalı da istisna edilməməlidir. İŞİD-in sıralarında Səddam Hüseyn ordusunun veteranlarından təşkil olunmuş xüsusi tankçılar da mövcuddur. Lakin onların “Abrams” tanklarından istifadə ilə bağlı heç bir təcrübəsi yoxdur. Əslində, bu cür texnikadan onlar zəif istifadə etdiklərini bundan öncəki müharibələrdə də sübuta yetiriblər. Əgər Suriyada Rusiya ordusu müharibəyə müdaxilə etsə, İŞİD onlara qarşı məhz bu silahlardan istifadə edəcək”.