ABŞ səfirliyi qarşısında aksiya

"IslamTimes" Rusiya mətbuatına istinadən xəbər verir ki, ötən gün Bəhreynin paytaxtı Manamada hakim rejim əleyhinə etiraz aksiasına qoşulmuş xalq ABŞ səfirliyi qarşısında aksiya keçirib. Minlərlə insanın iştirak etdiyi aksiyada Tunis, Misir və digər inqilab baş vermiş ölkələrdə olduğu kimi Bəhreyndə rejim əleyhinə keçirilən aksiyalarda "Ağ Evin" xalqa dəstək vermədiyi bildirilib. 
Etirazçılar Amerika Birləşmiş Ştatlarını ölkələrindəki diktatorların cinayətinə şərik hesab etdiklərini bildiriblər. 
ABŞ Bəhreyndə də ötən inqilablardakı kimi qiyam etmiş xalqlarla son nəfəsədək vuruşma yolunu təklif edir. Lakin diktator ölkə başçılarının süqut etdiyini gördükdə mövqeyini dəyişərək, etirazçı kütləni dəstəklədiyini bildirir.