Brüsseldəki NATO zirvəsi ABŞ mətbuatında müzakirə olunmağa davam edir.

Axar.az xəbər verir ki, ABŞ-ın CBS televiziyasında çıxış edən jurnalist Yan Bremmer Trampın zirvəyə damğa vuran çıxışlarından daha əvvəl eşidilməmiş ifadələri tamaşaçılarla bölüşüb.
 
Bremmer NATO liderlərinin müdafiə büdcəsində artım etmək istəmədiyi üçün Trampın çox əsəbi olduğunu qeyd edib:
 
“Liderlərin bir çoxu “parlamentdən icazə almalıyıq”, “davam edən bir proses var” deyirdi. Daha sonra Tramp Ərdoğana tərəf çevrildi. “Ərdoğandan başqa heç kim işini düzgün icra etmir” dedi. Sonra da Ərdoğanla yumruqlarını toqquşdurdu”.