Reuters xəbər verir ki, Ərəbistan vəliəhdi Bin Salmanın köməkçisi Səud Əl-Qəhtani jurnalist Camal Xaşoqcinin amansız qətlinin baş icraçısıdır. Əl-Qəhtani İstanbulda Ərəbistan konsulluğunda bu cinayət hadisəsinə başçılıq edib. Reuters bildirir ki, Türkiyə və Ərəbistan təhlükəsizlik qüvvələrinin yüksək rütbəli məmurları şənbə günü işdən kənarlaşdırılan Əl-Qəhtaninin adının açıqlanmamasını istəyib. Konsulluqda Xaşoqcini ən çirkin sözlərlə təhqir edən Əl-Qəhtani jurnalistdən layiqli cabab aldıqdan sonra qəssablara işə başlamağı əmr edib.
