Suriya Livanda Ərəb Liqasının forumuna qatılmayacaq

Suriyanın Livandakı səfiri Əli Əbdülkərim Əli ölkəsinin Beyrutda keçiriləcək foruma rəsmi münasibətinə aydınlıq gətirib. Səfir deyib: Biz Livandan rəsmi dəvət alsaq da, Ərəb Dövlətləri Liqasının iqtisadi forumuna qatılmayacağıq. Çünki Liqa ölkələrinin Suriyaya münasibətdə ədalətsiz mövqeləri dəyişməyib. Sevindiricidir ki, ərəb və qərb ölkələrinin Suriyaya qarşı başladığı müharibədən qalib çıxdıq. Dəməşq hərb, siyasət, diplomatiya sahəsində uğur qazanıb.