Bakının Xırdalan qəsəbəsindəki Misir Ərəb Respubliksanın devirilmiş prezidenti Hüsnü Mübarəkin heykəli götürülüb. “IslamTimes”-in müxbirinin verdiyi məlumata görə Mübarəkin heykəlinin yerinə Misir fironlarından birinin heykəli qoyulub. Xatırladaq ki, bir neçə il bundan öncə Xırdalanda Misir-Azərbaycan dostluq parkında Hüsnü Mübarəkin heykəli qoyulmuşdu. Lakin Mübarək hakimiyyətinin devirilməsindən sonra Azərbaycan bu heykəlin götürülməsində tərddüd edirdi. Qeyd edək ki, Xırdalan orta məktəblərindən biri hələ də Mübarəkin həyat yoldaşının adını daşımaqdadır.