Rusiya Səfiri: İsrail Yaxın Şərqdə sabitliyi pozur

"Jerusalem Post"-un məlumatına görə, çərşənbə axşamı Rusiyanın işğal altındakı ərazilərdəki səfiri Anatoliy Viktorov əsas problemin İranın bölgədəki fəaliyyətində olmadığına işarə ilə deyib: "İsrail Yaxın Şərqdə İrandan daha çox qeyri-sabitliyə səbəb olur!"

Sionist rejimin Hizbullah və Suriyaya qarşı təxribatlarına toxunan səfir əlavə edib: "Hizbullah İsrailə deyil, İsrail Hizbullaha hücum edir."

O, Hizbullahın işğal altındakı ərazilərə Livandan tunel qazması iddialarına da cavab verib və bildirib ki, Hizbullah tərəfindən belə tunellərin inşa edilməsinə dair heç bir dəlil yoxdur.