Putin: Bayden dönəmində ABŞ ilə münasibətlərdə dəyişiklik gözləmirik

Rusiya prezidenti Vladimir Putin çərşənbə günü deyib: Co Baydenin prezidentliyi dövründə Moskva ilə Vaşinqton arasındakı münasibətlərdə hər hansı bir dəyişiklik gözləmirik.

"Barron`s" həftəliyinin yazdığına görə, Putin Rusiya dövlət rəsmiləri və parlament üzvlərinin iştirakı ilə baş tutan bir iclasda deyib: "ABŞ-da rəhbərliyin dəyişməsi ilə bizim üçün vəziyyətin daha da çətinləşəcəyini düşünmürəm. Hər şey normal qaydada, öz axarında davam edəcək. Ağ Ev rəhbərliyində dəyişiklik səbəbindən biz də dəyişilik etmək məcburiyyətində deyilik. Ən önəmli olan məsələ ABŞ rəhbərliyinin hansı sahələrdə dəyişikliyə əl atacağını izləyib, buna uyğun reaksiya göstərməkdir."