Çin: ABŞ dərhal İran əleyhinə sanksiyaları ləğv etməlidir

Çin Xarici İşlər Nazirliyinin sözçüsü Vang Venbin keçirdiyi mətbuat konfransında ABŞ-ın nüvə sazişinə ön şərt qoymadan qayıtmalı və Tehrana qarşı tətbiq olunan bütün sanksiyaları ləğv etməli olduğunu bildirib:
"İranın nüvə proqramı məsələsi kritik bir nöqtədədir. İndi lazım olan xarici işlər nazirlərinin son görüşündə əldə olunan razılaşmaların sürətləndirilməsidir. Amerika tərəfi dərhal və heç bir şərt olmadan nüvə sazişinə qayıtmalı və bütün müvafiq sanksiyaları ləğv etməlidir. Pekin bu mövzuda prosesləri yaxından izləyir və əlaqədar tərəflərlə təmas qurur". /Eastnews/