"İsrailin hücumları müharibə cinayətləridir"

Beynəlxalq Amnistiya Təşkilatı İstail qüvvələrinin hücumları nəticəsində Qəzzada ölənlərin sayının artmasından narahat olduqlarını və mülki şəxslərə qarşı birbaşa hücumların müharibə cinayətləri olduğunu bildirib.

İngiltərədə yerləşən təşkilatdan verilən açıqlamada "55-i uşaq olmaqla, 188 nəfərin öldüyü Qəzzada ölüm sayının artması bizi çox narahat edir. Beynəlxalq Cinayət Məhkəməsi İsrailin əş-Şəti qaçqın düşərgəsinə şənbə günü 2 qadın və 8 uşağın ölümünə səbəb olan hücumunu araşdırmalıdır. Dinc əhaliyə birbaşa hücumlar müharibə cinayətləridir", - ifadələrinə yer verilib. /Eastnews/