ABŞ-ın təhdidindən sonra Çin hərəkətə keçdi

ABŞ senatorlarının Tayvana son təxribatçı səfərindən sonra Çin ordusu ABŞ təyyarə daşıyan gəmilərinə hücum üçün nəzərdə tutulmuş ballistik raketləri və onların nəyə qadir olduğunu nümayiş etdirdi.

Washington Examiner veb saytının verdiyi xəbərə görə, yüksəkrütbəli Çin rəsmisi Ciang Fenq deyib ki, bu ölkə öncədən elan edilməmiş quru-dəniz təlimlərində ABŞ təyyarə daşıyan gəmilərinin qatili olaraq tanınan "Dongfeng-26" raketlərini nümayiş etdirib.

Yüksək Çin rəsmisi əlavə edib: "Biz tez-tez qoşunların bacarıqlarını yoxlamaq üçün hücum hədəfini, öz qərargahlarımızı dəyişdiririk. Bunun üçün də daim müharibəyə hazır vəziyyətdəyik."