Zaxarova: "Britaniya İraqdakı cinayətlərinə görə cavab verməlidir"

Rusiya Xarici İşlər Nazirliyinin sözçüsü Mariya Zaxarova verdiyi açıqlamada Britaniyanın ABŞ-la birlikdə İraqı işğal etmək planında iştirak etdiyini bildirib.
Rusiya Xarici İşlər Nazirliyinin sözçüsü bildirib:
"Bölgədə baş verən hadisələrə, iraqlıların öldürülməsinə, İraq hökumətinin devrilməsinə və İŞİD-in güclənməsinə və bu ölkədə humanitar fəlakətin baş verməsinə görə İngiltərənin açıq-aşkar tarixi məsuliyyəti var. 45 min Britaniya əsgəri ABŞ-a İraqı işğal etməkdə və onun vətəndaşlarını öldürməkdə və sərvətlərini talamaqda kömək edib. Nə qədər ki, London törətdiyi cinayətlərə görə cavabdeh deyil, onun hakimiyyətinin kimisə nədəsə ittiham etməyə haqqı yoxdur".
Böyük Britaniyanın xarici işlər naziri Liz Terras “Teleqraf” qəzetində dərc olunan məqaləsində Polşa-Belarus sərhədindəki qaçqın böhranına açıq şəkildə müdaxilə edib.
Böyük Britaniyanın xarici işlər naziri bununla bağlı yazıb:
"Rusiyanın qarşısında aydın vəzifə var. Ruslar böhranı dayandırmaq və danışıqlara başlamaq üçün Belarus hakimiyyətinə təzyiq etməlidirlər. Britaniya dünyanın harasında olur-olsun, pis niyyətli hərəkətlərə cavab olaraq güclü, qəti və amansız addımlar atmağa hazırdır".
Böyük Britaniyanın xarici işlər naziri, həmçinin Avropa İttifaqını "Rolling Stream 2" boru kəməri layihəsini ləğv edərək, qaz təchizatında Rusiyadan asılılığına yenidən baxmağa çağırıb. /Eastnews/