Qərbin Ukrayna üçün iki ssenarisi var - Vuçiç

Teleqraf.com xəbər verir ki, bunu Serbiya prezidenti Aleksandr Vuçiç bildirib.

“Ya Qərb Rusiya ilə tamhüquqlu münaqişə yolunu tutacaq, ya da ABŞ və Çinin köməyi ilə hansısa barışıq əldə olunacaq ki, bu da dünya üçün böyük rahatlıq deməkdir”, - qeyd edib.

Onun sözlərinə görə, Rusiya ilə Qərb arasında birbaşa münaqişədən heç kim fayda görməyəcək və insan itkiləri baxımından nəticələr İkinci Dünya müharibəsi dövründəkindən daha ciddi ola bilər: "100 gün ərzində Qərbin hansı ssenarini seçəcəyi bəlli olacaq".