“Çin ordusu bir saniyə belə tərəddüd etməyəcək!”

APA xəbər verir ki, bunu bazar günü Çinin müdafiə naziri Li Şanqfu Sinqapurda Şanqri-La Dialoq təhlükəsizlik konfransında deyib.

"Çin birləşməlidir və birləşdiriləcək. Bu, xalqın arzusuna və dövrümüzün tendensiyasına uyğundur. Biz sülh yolu ilə birləşmə perspektivləri üçün səmimiyyətlə çalışacağıq və bunun üçün ən böyük səyləri göstərəcəyik, lakin güc tətbiqindən imtina edəcəyimizə söz vermirik” - Li Şanfu bildirib. Onun çıxışı konfransın saytında yayımlanıb.

O vurğulayıb ki, əgər kimsə Tayvanı Çindən ayırmağa cəsarət etsə, o zaman “Çin ordusu bir saniyə belə tərəddüd etməyəcək”.