Axar.az xəbər verir ki, bunu Moldova xarici işlər naziri Mixay Popşoy bildirib.
“NATO ilə əməkdaşlığa və ya NATO-ya hər hansı üzvlüyə gəlincə, hazırda bu barədə söhbət gedə bilməz, çünki cəmiyyətdə kifayət qədər dəstək yoxdur”, - Popşoy RTVI kanalına müsahibəsində deyib.
Onun sözlərinə görə, ölkə sakinlərinin əksəriyyəti NATO-nu “dəhşət hekayəsi” kimi qəbul edir, bu mövzunu geniş müzakirəyə çıxarmaq lazımdır:
"Bütün müsbət və mənfi cəhətləri ilə bağlı azad ictimai müzakirə aparmaq və belə demokratik prosesdə qərar qəbul etmək lazımdır. Ancaq bu, uzun vaxt aparacaq".