Pakistanın şimal-qərbində ABŞ aviasiyasının hücumu nəticəsində ən azı 20 nəfər həlak olub. Yerli mətbuat orqanlarının məlumatına görə, ABŞ pilotsuz təyyarələri Əfqanıstanla sərhəddəki Şimali Vəziristan rayonunda bir neçə yaşayış evini bombardman ediblər. Pakistan dövləti dəfələrlə ABŞ-a günahsız insanların qətliamı ilə bağlı xəbərdarlıq etsə də, ABŞ öz cinayətlərindən əl çəkmək fikrində deyil.
