Səudiyyə rejimi xalqı susdura bilmir

"IslamTimes" ərəbdilli KİV-nə istinadən xəbər verir ki, Səudiyyə Ərəbistanının Riyaz da daxil olmaqla bir neçə şəhərində rejim əleyhinə növbəti etiraz aksiyaları start götürüb. Dövlət rəsmiləri etirazçılara xəbərdarlıq edərək bildirmişdi ki, əgər nümayiş keçirilsə, aksiya iştirakçıları susdurularaq, həbs ediləcək. Amma görünür bu təhdidlər belə xalqın geri çəkilməsinə səbəb olmayıb.

Aksiya iştirakçıları Səudiyyə rejimi zindanlarında işgəncəyə məruz qalanlarla həmrəyliklərini nümayiş etdiriblər. Onlar ölkədə baş alıb gedən hüquq pozuntularını kəskin şəkildə pisləyiblər.

Xatırladaq ki, bir ildən də çoxdur ki, Səudiyyə Ərəbistanının müxtəlif şəhərlərində etiraz aksiyaları keçirilir. Xalq demokratik seçkilərlə ölkə rəhbərliyinin təyin olunmasını və insan haqqlarının pozulmasına son qoyulmasını tələb edirlər.