Cəlilabadda əzadarlıq mərasimləri

Əhli-beyt (ə) vətəni Azərbaycanın bölgələrində də Məhərrəm-Səfər əyyamı tədbirləri davam edir. Cənub bölgəsinin Cəlilabad rayonunda Aşura mərasimləri keçirilib.

Rayondan Aşura mərasimləri öz axarı ilə keçirilir. Yalnız bu il yerli polis mərasimləri müşahidə altında saxlayıb. Bildirilir ki, builki Aşura mərasimi keçirilərkən Cəlilabad RPİ-nin rəisinə məxsus xidməti avtomobil əzadarlıq zamanı bir müddət mərkəzi məscidinin düz qapısı ağzında saxlanılıb. Yerli sakinlər bunu əzadar cəlilabadlılara psixoloji təsir kimi qiymətləndirib.
Məsələ ilə bağlı Deyerler.org-a açıqlama verən Cəlilabad rayon sakini Zaur Ələkbərov deyilənləri təsdiqləyərək durumu belə ifadə edib: "Hər bir şey öz qaydasında gedir. Yalnız rəisin maşının məscidin qapısı ağzında saxlanmasını vətəndaşlar çox pis qarşılayıb. Mərasimlər isə sakit, təmkinlə davam edir. İnsanlarımız toplanır, əzadarlıq edir, sonra da hərə öz evinə gedir".