Bombasız bomba oğlanlar

M. Qəddafi Qazaxıstan prezidenti Nursultan Nazarbayevə ilk müsəlman nüvə bombasının yaradılmasını təklif etmişdi. Bu barədə Qazaxıstanın keçmiş xarici işlər naziri, BMT baş katibinin müavini Qasımcomərt Tokayev mətbuata açıqlama verib.
Onun sözlərinə görə, 1992-ci ildə XİN-in diplomatik kanalları ilə Qəddafidən Nazarbayevə məktub gəlib və bu məktubda ölkənin ərazisində ilk müsəlman nüvə bombası qismində nüvə arsenalının yerləşdirilməsi təklif edilib. Bunun əvəzində Liviya Cümhuriyyətinin başçısı onların saxlanılması üçün milyardlarla pul yardımının ediləcəyini söz verib. /HaqqYolu/