"IslamTimes" Suriya xəbər agentliklərinə istinadən bildirir ki, Avstraliya hakimiyyəti Suriyadakı qarşıdurmalarda iştirak edən vətəndaşlarına xəbərdarlıq edərək bildirib ki, (Suriyadan sağ-salamat ölkələrinə dönərlərsə) onları 20 ilədək həbs cəzası gözləyir.
Bu xəbərdarlıq Avstraliya vətəndaşlarından birinin Suriyadakı qarşıdurmalar nəticəsində həlak olması xəbərindən sonra edilib.
Avstraliya Xarici İşlər Nazirliyinin sözçüsü 3 yanvar tarixində qeyd edib ki, dövlətə bir sıra xəbərlər çatdırılıb ki, 2011-ci ildən bu günədək 100-dən çox avstraliyalı Suriyadakı qarşıdurmalarda iştirak edib.
Bu günədək Suriya ordusu ilə silahlı terroristlər arasında gedən mübarizələr zamanı terroristlər tərəfindən vuruşan 3 avstraliyanının həlak olduğu ehtimal edilir.