Lavrov: “Sübut olundu ki, silahlar Suriyada heç nəyi həll etməyəcək”

İki ildən çoxdur ki, gedən silahlı münaqişə göstərdi ki, Suriyada yaranmış böhranı silahlı metodlarla həll etmək mümkün deyil. Bir çoxları artıq bu nəticəyə gəlir ki, böhran dialoq yolu ilə həll edilməlidir. Rusiya xarici işlər naziri Sergey Lavrov belə bir bəyanatla çıxış edib, - “İnterfaks”.
 
“Suriya münaqişəsinə gəlincə isə, artıq belə bir nəticəyə gəlmək olar ki, istənilən tərəfdən yaranmış böhranın həlli üçün silahlı metod yararsızdır. İndiyə qədər bunu ən uyğun yol bilənlər də artıq fikirlərindən daşınıb”, - deyə Lavrov Moskvada Ərəb Liqasının rəsmiləri ilə görüşündə bildirib. /Deyerler/