Fransanın işsizlər ordusu 5 milyonu keçib

Statistikaya görə, son bir ay ərzində işsizlərin sayı 5 milyon 224 min 600 nəfərə çatıb. Bununla da Fransada 1997-ci ildə qeydə alınmış işsizlik rekordu qırılıb.
 
İşsizlikdən ən çox əziyyət çəkənlər 25 yaş ətrafında olan gənclərdir. Onlar uzun müddət ərzində işsizlikdən əziyyət çəkir.
 
İşsizlik üzrə belə bir rekord Fransua Olland hökumətinə yeni və güclü zərbə olacaq. Çin səfərini davam etdirən Fransua Oland artıq bununla bağlı bildirib ki, xalq bu problemlər ətrafında toparlanmalıdır.
 
Qeyd edək ki, son rəy sorğularına görə, prezident Fransua Olandın nüfuzu tarixi minimuma enib. Buna əsas səbəb, ölkədə yaşanan iqtisadi böhran, işsizlik və xüsusilə də onun ailə dəyərlərinə zərbə vuran əxlaqsız cinsi azlıqlar haqqında təşəbbüsünü irəli sürdüyü qanundur. /deyerler/