Riberi "Arsenal"a qarşı oynaya bilməyəcək

Trend Almaniya klubunun saytına istinadən məlumat verir ki, Riberi "Bavariya"nın "Arsenal"a qarşı keçirəcəyi oyun da daxil olmaqla bir neçə qarşılaşmada forma geyinə bilməyəcək.
Komandanın həkimi Hans-Vilhelm Müller-Volfart ombasından əməliyyat olunan Riberinin getdikcə yaxşılaşdığını deyib. O, fransız futbolçunun bu həftə ərzində fiziki hərəkətlərə, gələcək həftələrdə isə qaçışlara başlayacağını bildirib.
Xatırladaq ki, "Arsenal" - "Bavariya" oyunu fevralın 19-da keçiriləcək.