Bağdadın süqutuna nə mane oldu?

Fars xəbər agentliyinin verdiyi məlumata görə, bu sözləri İraq Bədr təşkilatının sədri və ümumxalq səfərbərliyinin nəzarətçi rəhbəri Hadi əl-Amiri deyib. O, Türkiyə və İraqı İŞİD-i dəstəkləməkdə günahlandırmaqla yanaşı, fəsadı İraq ordusunun məğlubiyyətinin səbəblərindən biri kimi göstərmişdir.
Ötən ilin yayında, İŞİD-in Mosul şəhərini ələ keçirməsindən bir neçə saat sonra Bağdad hava limanına bir təyyarə qondu; General Qasim Süleymani bir neçə iranlı və livanlı hərbçi ilə birgə tələsik İraqa gəlmişdi.
Bağdadda Müdafiə batalyonlarının komandirləri bu heyəti gözləyirdilər. Bu batalyonlar arasında “Əsaib əl-həqq”, Bədr ordusu, İraq Hizbullahı, “Seyyidüşşühəda” və “İmam Əli” bölükləri də vardı. Onların hamısı döyüş taktikalarını idarə edəcək bir komandan istəyirdilər. İraq ordusu da parçalanmış durumda idi.

Süleymaninin gəlişindən dərhal sonra könüllüləri təkfirçilərə qarşı səfərbər etmək məqsədilə mərkəzlər yaradıldı, hərbi təlimlərə başlandı.