Braziliyadan İsrailə sarsıdıcı zərbə

Braziliya prezidenti Luis İnasiu Lula da Silva Fələstin Milli Muxtariyyətinin sədri Mahmud Abbasa göndərdiyi məktubda Fələstin dövlətini 1967-ci il müharibəsindən əvvəlki sərhədlərdə tanıdığını bəyan edib.
«Braziliyanın Fələstini dəstəkləmə məsələsindəki prinsiplərinə uyğun olaraq ölkəmiz Fələstin dövlətini 1967-ci il sərhədlərində tanıyır», deyə da Silvanın məktubunda bildirilir.
Xatırladaq ki, 1967-ci il sərhədlərinə görə Şərqi Qüds Fələstin dövlətinə keçməlidir. Lakin İsrail Qüdsü özünün «əbədi və bölünməz» paytaxtı elan edib.