Şamaxı rayonu, Böyük Xınıslı qəsəbəsinin sakinləri sosial problemlər və qəsəbəyə gedən yolların bərbad vəziyyətdə olmasına etiraz ediblər.
Qeyd edək ki, Böyük Xınıslı Şamaxının bir məhəlləsidir. Qəsəbə Şamaxının mərkəzindən 4 kilometr məsafədə yerləşir.
Aksiya ilə bağlı Şamaxı Rayon İcra Hakimiyyəti ilə əlaqə saxladıq. Rayon İcra Hakimiyyətinin əməkdaşı aksiya ilə bağlı suala qəribə cavab verdi: “Şamaxılılar o qədər sakit, həzin həyat sürürlər ki... Aksiya keçirilmir, heç aksiya haqqında fikirləşən yoxdur. Hazırda narın-narın yağış yağır, əhalimiz firəvan həyat sürür. Yayılan xəbərlər yalandı, bu gözəl havadı, bu cür yaşayanlar aksiya edərlərmi?”.