Braziliyanın ilk qadın prezidenti işə başldı

Ötən ilin oktyabr ayının sonunda Braziliyada keçirilmiş prezident seçkilərinin qalibi Dilma Russef ölkə tarixində ilk qadın dövlət başçısıdır.
Dünən Braziliya parlamentində onun təntənəli andiçmə mərasimi keçirilib.
İnauqurasiyadan əvvəl Russefi Brazilia şəhəri küçələrində prezident kortejinin keçdiyi yolun kənarına çıxmış 70 min vətəndaş salamlayıb.
Russef parlamentarlar qarşısında ilk nitqini söyləyib. O, ölkənin aztəminatlı vətəndaşlarını müdafiə etmək, amma bu zaman "hamının maraqlarını nəzərə alaraq dövləti idarə etmək"lə məşğul olacağını deyib.
O, 63 yaşlı sələfi İnasio Lula da Silvaya da minnətdarlıq edib.
Silva çox populyar olsa da, prezident postunda iki səlahiyyət müddəti çalışdığından seçkilərə qatılmamışdı.